بجٹ میں میڈیکل الاونس اور پنشن میں کٹوتی کا فیصلہ نامنظور ہے،آل پاکستان کلرکس ایسوسی ایشن مرکزی سیکرٹری جنرل اورنگزیب کمشیری
مردان(دی نیوز پوائنٹ اردو،ایم وقار خان)آل پاکستان کلرکس ایسوسی ایشن کے مرکزی سیکرٹری جنرل ایپکا اورنگزیب کشمیری نے کہا ہے کہ پنشن اصلاحات کے نام پر ملازمین کو زندہ درگور کردیا ۔بجٹ میں میڈیکل الاونس اور پنشن میں کٹوتی کا فیصلہ نامنظور ہے ،کرپٹ اشرافیہ کو اس گھناؤنی سازش میں کامیاب نہیں ہونے دینگے۔
ان خیالات کا اظہار اورنگزیب کشمیری مرکزی سیکرٹری جنرل ایپکا پاکستان ،شرافت الله یوسفزئی مرکزی صدر پیرامیڈیکل اسٹاف فیڈریشن پاکستان ،انعام اللہ یوسفزئی صدر ایپکا مردان نے مشترکہ طور میڈیا کے نمائندوں سے بات چیت کرتے ہوئے کیا۔
انہوں نے کہا کہ موجودہ حکومت آئندہ بجٹ میں سرکاری ملازمین کے میڈیکل الاونس اور پنشن کموٹیشن میں کمی کے بارے میں غور کر رہی ہے۔جو ظلم کے مترادف ہے ۔
پنشن کموٹیشن میں سابقہ حکومت نے ایک دفعہ کمی کا نوٹیفکیشن جاری کیا ھے۔اور اب پھر آئندہ بجٹ میں مزید پنشن اصلاحات کے نام پر پنشن میں مزید کمی کرنے کا بل پاس کرنے پر غور کر رہی ہے ۔جسکے خلاف ملازمین سیسہ پلائی ہوئی دیوار کی طرح کھڑے ھونگے ۔اور اختجاجی تحریک شروع کرینگے۔
ایک تبصرہ شائع کریں