مردان(دی نیوز پوائنٹ اردو،عبداللہ شاہ بغدادی)سٹی مئیر مردان حمایت اللہ مایار ایڈوکیٹ نے کہا ہے کہ مقامی حکومتیں مقامی سطح پر مسائل کو حل کرنے کی صلاحیت رکھتی ہیں، جو کہ صوبائی و مرکزی حکومت کے مقابلے میں زیادہ موثر ہوتی ہیں۔ عوام کے قریب ہونے کی وجہ سے مقامی حکومتیں عوامی خدمات جیسے تعلیم، صحت، پانی اور صفائی کے مسائل کو بہتر طریقے سے حل کر سکتی ہیں۔شراکتی فیصلہ سازی بھی اس نظام کی ایک کلیدی صفت ہے۔مقامی حکومتیں عوام کو اپنی ضروریات اور ترجیحات کے مطابق فیصلے کرنے کی آزادی دیتی ہیں۔ یہ شراکت داری فیصلہ سازی کے عمل کو زیادہ شفاف اور جوابدہ بناتی ہے۔سیاسی شعور کی بیداری میں مقامی حکومتوں کا اہم کردار رہا ہے۔ مقامی حکومت کا نظام عوام میں سیاسی شعور کو بیدار کرتا ہے اور انہیں جمہوریت کے عمل میں شامل ہونے کی تربیت دیتا ہے۔ ان خیالات کا اظہار انہوں نے ٹی ایم اے ہال مردان میں جرمن ترقیاتی ادارے جی آئی زیڈ،ایف او ایف اور یو لوگو کے زیر اہتمام ڈائیلاگ سیشن سے خطاب کرتے ہوئے کیا،
پروگرام سے ضلعی مصالحتی کمیٹی مردان کی ممبر اور خاتون سوشل ورکر نصرت آرا،حارث کریم،شبنم و دیگر نے بھی خطاب،اس موقع پر ٹی ایم او مردان بھی موجود تھے،سیشن میں مرد وخواتین کونسلر،اقلیتی برداری اور سول سوسائٹی نے شرکت کی،سٹی مئیر نے کہا کہ مقامی حکومتیں مقامی سطح پر ترقیاتی منصوبے بناتی اور عملدرآمد کرتی ہیں جو کہ عوامی مسائل کے حل اور علاقے کی ترقی میں اہم کردار ادا کرتے ہیں۔چیلنجز اور حکومت کے نظام کو درپیش چیلنجز میں مالی وسائل کی کمی، انتظامی صلاحیتوں کی کمی، اور صوبائی حکومت کی مداخلت شامل ہیں۔
تاہم، ان چیلنجز کے باوجود، مقامی حکومت کا نظام جمہوریت کو مضبوط بنانے اور عوامی خدمت کو بہتر بنانے کے لئے بے پناہ مواقع فراہم کرتا ہے۔ مقامی حکومت کا نظام جمہوریت کی جڑوں کو مضبوط بناتا ہے اور عوامی مسائل کے حل میں کلیدی کردار ادا کرتا ہے۔مختلف ممالک میں مقامی حکومتوں کی اقسام مقامی حکومتیں کسی بھی ملک کی انتظامی ڈھانچے کا ایک اہم حصہ ہوتی ہیں۔
یہ حکومتی ڈھانچے مقامی سطح پر عوامی خدمات کی فراہمی اور انتظامی امور کی انجام دہی کے لئے تشکیل دی جاتی ہیں۔ جمہوریت کی کامیابی کے لئے مقامی حکومت کا مضبوط اور موثر ہونا بے حد ضروری ہے۔ ارکان اسمبلی کا کا م گلی محلوں اور سٹرکوں کی اور نالیوں کی تعمیر نہیں ہوا کرتا ہے،
ارکان اسمبلی کا اصل کام درحقیقت قانون سازی کرنا اور صوبائی اور قومی سطح پر پالیسی سازی کرنا ہو تا ہے لیکن بد قسمتی سے ہمارے ہاں صرف اور صرف سارا معاملہ ترقیاتی فنڈز کے حصول اور مقامی سطح کے کاموں تک ہی محدود ہو کر رہ گیا ہے جو کہ درحقیقت مقامی حکومتوں کا کام ہو ا کرتا ہے۔ منتظمین شہاب الدین اور آبرو حیدر کا کہنا تھا کہ مقامی حکومت کا نظام عوام کو اپنے مسائل اور ضروریات کے بارے میں براہ راست شرکت کا موقع فراہم کرتا ہے۔ یہ نظام لوگوں کو اپنے علاقے کے مسائل کو حل کرنے اور بہتر بنانے میں شامل کرتا ہے۔موثر خدمت رسانی میں بلدیاتی ادارے کلیدی کردار ادا کرتے ہیں۔
ایک تبصرہ شائع کریں