تھانہ پار ہوتی کے علاقہ میں پولیس اور منشیات فروش کے مابین فائرنگ کا تبادلہ کے نتیجے میں
دو پولیس اہلکار زخمی جبکہ منشیات فروش جاں بحق
مردان(دی نیوز پوائنٹ اردو،کرائمز رپورٹر)تھانہ پار ہوتی کے علاقہ میں پولیس اور منشیات فروش کے مابین فائرنگ کا تبادلہ کے نتیجے میں دو پولیس اہلکار زخمی جبکہ منشیات فروش جاں بحق ہوگیا،ضلعی پولیس مردان کی جانب سے جاری کردہ پریس ریلیز کے مطابق ڈی پی او مردان ظہور بابر آفریدی کی منشیات فروشوں کے خلاف جاری ہدایات پر عمل درآمد کرتے ہوئے تھانہ پار ہوتی پولیس کی جانب سے گشت اور نگرانی کے دورانِ سٹیشن ہاوس آفیسر (ایس ایچ او) تھانہ پار ہوتی ,عجب درانی ھمراہ پولیس ٹیم نے بدنام زمانہ منشیات فروش حائیستہ الرحمن عرف "رخمانے" ولد گل الرحمن سکنہ محلہ باچہ گان، سکندرے کو گرفتار کرنے کی کوشش کی،
ملزم نے پولیس پارٹی کو دیکھتے ہی فائرنگ کرتے ہوئے فرار ہونے کی کوشش میں تھا، جس کے نتیجے میں کانسٹیبل ہارون اور ایل ایچ سی جاوید گولیاں لگنے سے زخمی ہوگئے، جنہیں فوری طور پر ہسپتال منتقل کر دیا گیا۔
پولیس کی جانب سے کی گئی جوابی فائرنگ کے دوران ملزم جاںبحق ہوگیا۔ملزم تھانہ پار ہوتی کو منشیات کے مقدمے میں اشتہاری اور مطلوب تھا۔
ملزم کے خلاف اس سے قبل 20 سے زائد منشیات کے مقدمات درج تھے، جن میں وہ گرفتار اور سزا یافتہ بھی رہ چکا تھا۔ جائے وقوعہ سے اسلحہ پستول اور دیگر شواہد تحویل میں لے کر مزید تفتیش کا آغاز کر دیا گیا ہے۔
ڈی پی او مردان ظہور بابر آفریدی نے زخمی اہلکاروں جرات و بہادری کو سراہتے ہوئے کہا کہ جرائم پیشہ عناصر کے خلاف زیرو ٹالرنس پالیسی کے تحت کارروائیاں جاری رہیں گی۔ پولیس اہلکار عوام کے تحفظ اور منشیات کے خاتمے کے لیے اپنی جانوں کی پرواہ کیے بغیر خدمات سرانجام دے رہے ہیں۔
ایک تبصرہ شائع کریں